《我愛你，你Feel到嗎?》

巴打們 2.14 情人節快樂!

趁今日係情人節

小編S 就同大家傾吓「伴侶相處」

伴侶相處總會有鬧交、爭執嘅時候

「我已經好努力啦，仲想我點？」

但其實真係有幾努力呢？

咁到底邊度出問題呢？

同伴侶相處越耐

我哋開始越嚟越懶

慢慢將一切公式化

揀嘅餐廳、去嘅地方、講嘅話題

頭一個月就新鮮

之後過幾個月就開始重重複複

未必有興趣想再了解對方

佢鍾意食乜、重視乜、諗緊乜

因爲咩唔開心有時都唔重要

只要我/對方做嘅一切符合返

呢個叫「伴侶」嘅身份就可以收工

但你真係想咁樣「努力落去」嗎？

有時你唔做 有時做咗對方又feel唔到

的確讓人好氣餒⋯

今日同大家分享樣嘢叫「愛的語言」

係一位叫Gary Chapman 嘅學者提出

佢相信世上其實有好幾種人

人人對愛嘅需要同表達方式都唔同

佢大致歸納咗5種表達愛嘅語言(方式)：

1️⃣實際服務/行動🧽🪣

2️⃣禮物送贈🎁

3️⃣身體接觸💆🏽‍♀️

4️⃣言語肯定🗣

5️⃣寶貴時光🕰

睇完晒上面⋯你知你係屬於咩類型嗎?

你又知道你嘅伴侶最受落邊套嗎?

學者仲話用錯方式愛對方

其實就好似你猛入日圓去英磅嘅銀行戶口

對方未必即時收到

有時仲會蝕咗差價

你付出/表達100分嘅愛

錯咗方式可能去到對方度得返50分

所以趁今日睇完呢個「5種愛的語言」

快啲裝備吓自己、觀察吓對方

日後記得「入啱錢」去人哋戶口啦!